عبير السيد.. مطلقة لكنها قوية وتبحث عن شريك حياة يحتويها
النهارده بنحكي قصة سيدة محترمة من شبرا الخيمة، عمرها 48 سنة، اسمها عبير السيد. اتجوزت بدري على أمل أن حياتها تكون مستقرة وسعيدة، لكنها اتفاجئت إن الزوج اللي اختارته ماكانش أهل للمسؤولية، وتصرفاته كانت سبب في إنها تاخد أصعب قرار في حياتها.. الطلاق.
عبير ما استسلمتش، بالعكس.. وقفت على رجليها عشان بنتها، واشتغلت في محل ملابس محجبات، ووقفت جنب نفسها بنفسها. وبالرغم من قوتها واستقلالها، إلا إنها مازالت إنسانة قلبها طيب وحنون، وتؤمن إن "الونس نص الحياة".
رغبتها في الزواج
عبير مش بتدور على مجرد زيجة والسلام.. هي بتدور على رجل محترم وراقي، يعرف يعني إيه مسؤولية، ويكون راجل بمعنى الكلمة.. كلمة واحدة تكفيه، ونظرته للأمور فيها رحمة مش قسوة.
شرطها الأساسي واضح وصريح:
«اللي هيتقدم لي لازم يقبل بنتي، ويعاملها كأنها بنته».
مواصفات الزوج اللي تتمناه
- يكون محترم وخلوق
- مايكونش عصبي أو سليط لسان
- عاقل وطيب ويخاف ربنا
- يكون مستعد يبني معاها حياة هادئة بدون مشاكل أو صراخ
رسالة عبير
"أنا مش بدور على اللي يصرف عليا، لأ.. الحمد لله برزقي، أنا بدور على ونس وسند وراحة نفسية. واحد أقدر أحكيله من غير ما يخوّفني، وألاقي فيه الأمان اللي ما لقيتوش قبل كده."